飯店二樓有早餐供應，出示張餐卷就可以自己揾位坐
唔知點解！！食物無問題都係果D野，炒麵呀、蒸飽呀、青菜呀、粥咁‥‥正確地講比我平日重豐富添，但！我總覺得是不對胃口
平時食早餐好簡單，而家咁多野都唔想食，整件多士，飲杯咖啡好了，一陣去便利店再買定D食物上車有需要再食過
塗麵包有3種物料，紅色似士多啤梨，啡色一定係花生醬啦，黃色心想唔會係介未吧！原來係牛油，凍凍的有粒粒口感‥‥早知剩要花生醬好了，衰好奇
尼度D人都唔知點解靜過鬼，講野蚊芝咁細聲，我真係失禮，平時講野唔覺大聲，係台中我地兩公婆講野，人地以為我地鬧交咁！！！
飯店位置都幾方便，前面係國光客運，它的左邊就是台中火車站
右邊綠色巴士嘅係統聯客運，它前面紅色招牌果度，就係台中客運，後邊有巨業交通，揾亞囡就係果度搭車，再後D就係南投客運干城站，一陣就係果度搭車去清境農場
重有BRT即係 " 台中市快捷巴士" 佢有多條路線，但重在規劃中，而家只開通一條藍線
沒有留言:
發佈留言